|
|
آنجاق ساواشسام دئیرم خیالین اوغلونو توزکیمی داغیدان اللری چئینه سم دیندیرسن دینمه سم ... بیرداها دونوب گری باخمام ـــــــــــــــــــــــــــــــــــــــــــ
بیر سوروش گور بو دنیز لرده سو وار ساخلا منه داغلارین آغ پاپاغیندان سولی قار ساخلا منه بیر به بیر تئللری یول وئر یئله آنجاق داراغیم یار تئلیندن قارا تئل آسماغا دار ساخلا منه نئچه ایللردی خزان چال چاپینا هن دئییریک یوخ دئین قارداش اگر وارسا بهار ساخلا منه قمه قالخان بازاری دالدادا چوخدان قیزیشیب دوست اوجاقلی بیر آلیش وئرلی بازار ساخلا منه ایریلر دوزلر اگیر ترسه ده دوزلر اگیلیر غمه غم نغمه سی وار چالماغا تار ساخلا منه گئج گلن تئز آپاریر سئچمه پایین سن من ایچین قازانین دیب بوجاغیندان چئری یار ساخلا منه هارا باخسان گئجه لر دوستاغی اولموش نه یازیق دان یئرین آچماغا اولدوزدان آچار ساخلا منه نئجه ایللر بویی دیر یان یانا خالقیم یاتیشیب بو خوروزلاردان اگر بانلاسالار ساخلا منه
+یازیلاندوشنبه هفدهم تیر 1387ساعات 8:33 قلمی ایله داود عباسی |
هر گون یئنی بیر دوشونجه ایله یاتاقدان قالخیب یاشامی ترس چئوریلمیش گورمک سنین ایچین نه قدر آغیر اولا بیلیر . اینسانلار گوردوک لری ایله دگیل آنجاق دوشوندوکلری کیمی یاشییر لار . زامان زامان آرخایا دونوب حسرتله گئچمیشلرینه باخاندا گله جگین قورخوسوندان سحر آخشام یورقان چئینین یئره مانمیش یازیق دوشونجه لرین بوندان سوای چیخاری نه اولا بیلیر . اینسانلیق بیر متره لیک بیر قوماش دگیل کی هر چارشی دان سونوندا اوجوز یادا باهاسینا الده ائتمک اولسون . تاریخین توزا بورونموش دار تارلالاریندا هر زامان بیر اینیلتیه سس بیرلیگی یاپماق ایچین هر الینه مداد توتان باشلاییب اوگورلوک اوزگورلوک یازمایا دوام ائتدی اما سونوندا نه اولدو اوزگورلوک آدینا اوزگور اینسانلاری بارماقلیق لار آراسیندان گوتوروم توپراغا گومدولر . آوروپادا قارا دونه یه آد قازانان یوز ایللر بویو اینسانلار دوشوندوکلری ایچین دری سویماغا هم ده سویولماغا باشلادیلار . بیزلر تانری ایچین اینسانلیق و اونو اوزونه بنزه دن هر بیر شئیه دوست اولاراق یول قیر ناسیندا اوتوروب باخماقدان هئچ بیز زامان دویمامالییق . ایندیسه اینسانلیق باشلاسین .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ سیلکه لیر یوخودا بیر نفر منی سسله ییر اوغلان داها اویانمالیسان گل آل بو اراده بودا شجاعت حایاتی یئنی دن قازانمالیسان * هله یوخولویام گوزوم باغلیدیر کیم وار باشیم اوسته سورا بیلمیرم اوخشاییر ساچیمی بیر مهربان ال رویا دوغور گوزوم دورا بیلمیرم * آتامی گورورم بیر قشون غیرت گتیریب یوخوما گون آیدین دئیر آنامدا قیزلارین گتیریب منه دای ائولن مه لیسن قوجالدین دئیر * قشونومدا بابک قیزلاردا سارا یان یانا یاتیب لار دورد بیر یانیمدا غیرتیم هایقیریر بابک چیغیریر سارالاردا سانکی اوینور قانیمدا * دره لر تپه لر سان وئریر منه اولکه مین دوزلری پهلوان لاری سانکی دوغروداندا بیر ژنرال کیمی اگیلیب اوپورم قهرمانلاری * یئنی دن بابکین قولسوز بدنی دوشنده یادیما آجیغیم گلیر قیزلار آنا اولمور آنالار اوغول دوغمور بو اولکه یه یازیغیم گلیر * صداقت گورسه دن الی دوز اولان گوزلری کور اولور اوزی کور اوغلی ایری دن ده بیری گوزون چیخاردیر گورن دئسین بلکه اودور کوراوغلو
+یازیلاندوشنبه هفدهم اردیبهشت 1386ساعات 16:50 قلمی ایله داود عباسی | هر زامان بیر باشـــــلانقیجا دوغرو آددیم لاسام نه دن سه بیلمیرم آما آرادا بیر دورمـــــاقیم گوزدن قاچیریلماز اولور . آنا دیلیمده یازیب پوزمام اوشاقلیق آنلاریمدا هم ده آنیلاریمدا ایز بیراخان بیر ایستک دن عبارتیدی . اما نه ایسه فارسی دیلینده یازیب پوزماغیم منی اون قــات داها زور لور . بو اینــانج بو بارماق لیق سینمالیدیر . بو کیمین ناغیللارا سون وئرمک جاغی چوخدان یئتیشیب .
سایقی لارلا داود عباسی
بیر نئچه شعر ..................................................................................................... عمر دفتریندن توزلو ورقدن محبت وار اگر منه یاز گتیر فیکریمده فصیل لر پاییزا دونموش هر پاییز گورنده منه یاز گتیر ... دیل لرده قالانان سئوگی دیر اگر بو یئرلرده آنجاق سویوق یئل اسر پیچاغی زورلاسان سوموگی کسر بو یئتیم توپراغا بیر آراز گتیر ... موفته سوز دانیشما باشارسان دانیش سوزو قانماسان دور قانارسان دانیش شیره سین ام سوزون دویارسان دانیش سوزده سوز دئیینه بیر تاراز گتیر ... آختاریب حقیقته ال تاپ دوزون الیندن توت پیسین گونوزه اوزون چیخات دوز سوز دانیش ایسته سن یوزون صداقت بولنده سوزه ساز گتیر ... یاشام ورقلیرن دولدورور زامان فرصت لر سورولور بیر به بیر اویان ساغ اولسون اینسانلیق بنا سین قویان عمرونده بیر یول اینسانام یاز گتیر
....................................................................................................... بارداش قوروب یولوندا بو گوزلر گوزونده یاش آیلارساتیب نه ایللر آلیبدیر یاواش یاواش صبرین پیاله سین دلی دوران جالاندیریب سن سیز دوزنمیرم بو نفسلر کسیل سه کاش روحومدا لاپ داریخما دا جیسمیم ده قان سالیر یعقوبه میصر مئیدان اوخور یوسیفیم ساواش ... سیننیم سوروش سالار دئییرم واردی ایگیرمی بئش (ایگیرمی = ایرمی) آنجاق غزللریمده گوررسن کی یوزدی یاش بیر عمرودور قاپیندا توز اولموش سورونموشم جیسمیمده هر نه وار سن اولوبسان سنیندی باش اینسان خزانی دیر توکولور جان خزل کیمی (آذربایجانین گورکملی شاعری استاد شهریاردان بورج آلمیشام) یاز فصلی اول خزان چاغی رحمت له یاغ یاناش کئفیسز له ین چاغیمدا اوشاقلیق گتیر منه بیر اوندا عشقه مئیدان اوخوردوم اوباش بو باش ... اولسم یولوندا چکمه رم ال بیل دخیل دوشن گوزلر جوابین آلماسا گئتمز او داش بو داش
+یازیلانچهارشنبه چهارم بهمن 1385ساعات 3:39 قلمی ایله داود عباسی | | من یک داود عباسی هستم و دیگر هیچ
اون پیلان قلم داشلار 1 گِِچمیشده یازیلانلار قلم داشلار چرچووا یارادی جی سی |